Ég hringdi í dag í Ajax til að festa mér sæti sem þeir buðu mér í gær. Í bréfinu stóð að best væri að hringja tímanlega til þess að geta nælt í bestu sætin. Ég hringdi árla dags. Það reyndist satt að ég gat tekið frá bestu sætin. Þar stóð hins vegar hundurinn grafinn í kúnni. Ég gat einungis tekið frá bestu sætin, eða kannski þau næstbestu. Næstbestu sætin hafa hins vegar þann ókost að þau eru helmingi dýrari en…
Ég fékk í dag bréf frá Ajax. Þar var mér tilkynnt að umsókn mín um ársmiða á völlinn hafi verið samþykkt. Nú þarf ég bara hringja í þá og velja mér sæti. Þeir gefa mér einungis frest fram að helgi til að ganga frá málinu. Það finnst mér miður því að ég sótti um miða í samfloti við þýska vinnufélaga mína. Þau eru hins vegar þess stundina að njóta lífsins í fjallakofa í Austurríki. Þau verða ekki komin í menninguna…
Þar sem að langt var um liðið síðan ég skrifaði í dagbókina mína síðast ákvað ég í dag að skrifa langa færslu um allt það sem á daga mína hefur drifið síðan að ég skrifaði síðast. Þegar á hólminn var komið skipti ég um skoðun. Ég nennti ekki að skrifa neitt. Lesandinn verður því að geta í eyðurnar. Þessa dagana hef ég verið upptekinn við að undirbúa þáttöku í upplýsingaleitarkeppni. Ég er búinn að prófa nokkuð margar mismunandi leiðir við…
Þá er ég búinn að læra hollensku. Að einhverju leyti að minnsta kosti. Ég lauk í dag hollenskunámskeiði með því að gangast undir hollenskupróf. Prófið skiptist í þrjá hluta. Fyrst var hlustunaræfing. Við horfðum á myndbönd og svöruðum spurningum um innihald þeirra. Næst lásum við texta og svöruðum spurningum um innihald þeirra. Að lokum þurftum við að skrifa ritgerð. Hlustunin gekk vel. Ég fékk níu í einkunn. Lesturinn gekk ekki eins vel og ég hafði búist við. Ég fékk þó…
Ég ákvað að bregða mér bæjarleið til Rotterdam og halda upp á 17.júní í félagsskap Íslendinga í Hollandi. Hátíðarhöldin fóru fram í sundlaugargarði í úthverfi úthverfis Rotterdam. Lagði af stað frá Amsterdam talsvert fyrir hádegi og kom til Rotterdam talsvert eftir hádegi. Ég byrjaði á því að fé mér smá göngutúr um miðbæ borgarinnar. Þó að ég hafi búið í Holland í næstum tvö og hálft ár þá var þetta í fyrsta sinn sem ég sótti Rotterdam heim. Ég fékk…
Það er afar ánægjulegt til þess að vita að þannig er ástandið í höfuðborg Íslands að lögreglumenn hafa ekki við verðugri verkefni að glíma en að koma í veg fyrir þann alvarlega glæp að verslað sé með matvæli á sunnudegi. Samkvæmt mbl.is gerðist það í gær að "Lögreglan í Reykjavík lokaði matvöruversluninni 10-11 í Lágmúla en búðin var opnuð klukkan 13". Það virðist vera að lögreglan standi sig í stykkinu við að framfylgja lögum sem gilda í landinu. Það er…
Ég horfði á einn og hálfan fótboltaleik í dag. Þýska sjónvarpsstöðin ARD sýndi beint frá leik Skota og Þjóðverja og frá seinni hálfleik í leik Íslendinga og Færeyinga. Ég horfði á báðar útsendingar. Ég hef hingað til samfagnað Færeyingum þegar vel hefur gengið á fótboltavellinum. Mér var nú samt ekki hlátur í huga að loknum venjulegum leiktíma í leiknum gegn Íslandi. Ég var kominn langt með að skrifa bréf til ríkisstjórnar Íslands þar sem ég krafðist þess að stjórnmálasambandi við…
Ég skrapp í morgunsárið á pósthúsið til þess að sækja ábyrgðarbréfið frá leigusalanum mínum. Innihald bréfsins kom mér ekkert sérlega á óvart. Leigusalinn tilkynnti mér að eins og stæði í leigusamningnum þá hefði hann í byrjun nóvember hug á að taka rýmið til eigin nota. Leigusamningurinn verður því ekki framlengdur umfram septemberlok. Þess má geta að meðleigjandi minn fékk samhljóðandi bréf. Ég hef því núna tæpa fjóra mánuði til að finna mér nýjan samastað. Strax í dag fékk ég fregnir…
Ég renndi í dag augunum yfir leigusamninginn minn. Mig langaði að rifja upp hvað það var sem ég skrifaði undir. Það stóð meðal annars að leigusamningurinn væri gerður til ellefu mánaða og væri því í gildi til septemberloka 2003. Sé samningnum ekki formlega sagt upp fyrir þann tíma þá framlengist hann sjálfkrafa um óákveðinn tíma. Hyggist leigusali segja upp samningnum verður hann að gera svo með minnst þriggja mánaða fyrirvara. Uppsögn skal send leigutaka í ábyrgðarpósti. Ástæða þess að ég…
Ég lá í leti í dag. Þrátt fyrir gott veður þá ákvað ég að eyða deginum innan við galopinn glugga. Ég vann heimaverkefni fyrir hollenskunámskeiðið mitt, kíkti á formúluna og gluggaði í bók. Dagurinn var rólegri en síðustu dagar. Síðustu þrír dagar hafa verið einstaklega góðir. Sólin skein í heiði og ég fékk vini í heimsókn. Heimsóknin einkeinndist af góðum félagsskap, góðum mat og góðum drykk. Maturinn var ekki af verri endanum; grænt karrí að hætti Tælendinga, sushi að hætti…