Ákvað að slá þrjar flugur í einu höggi í morgun, prófa hjólið mitt, kynnast borginni betur og athuga verð á tölvum. Hjólið mitt reyndist mæta væntingum mínum fullkomlega, það var hreinlega að hrynja í sundur. Ég var búinn að finna álitlega tölvubúð í öðrum enda borgarinnar. Ég leit á kort og áttaði mig á hvaða leið ég þyrfti að hjóla. Ferðin gekk yfir í hinn enda borgarinnar gekk vel. Þegar þangað var komið varð gengið ekki eins hagstætt. Mér tókst…
Nýársfagnaður rökfræðideildarinnar var haldinn með pompi og prakt um kaffileytið. Þar var tækifærið nýtt til að kynna og kynnast nýjum starfsmönnum deildarinnar sem og nýjum nemendum. Skálað var í kampavíni og snittum skolað niður með hollenskum bjór. Þetta var e.k. vísindaferð þar sem við heimsóttum okkur sjálf. Eftir hófið skrapp ég niður í bæ með tveimur finnskum kunningjum mínum og við fengum okkur að borða. Eins og rökfræðinemum sæmir reyndum við að leiða rökum að því hvernig best væri að…
Kennarinn í Recursion Theory ákvað að leiða hjá sér það að ég afþakkaði að hann skipti yfir í ensku í fyrirlestrum. Þegar líða tók á kennslustundina var ég mjög sáttur við þessa ákvörðun hans. Þetta virðist nefnlega vera talsvert strembnari kúrs en aðrir kúrsar sem ég tek. Finnski nágranninn minn spurði mig í dag hvort það væri bar á Íslandi sem bæri nafnið K. ég kannaðist ekki við barinn. Hann sagðist hafa lesid bók eftir sköllóttan íslenskan kall og þar…
Í lyftunni á leiðinni á skrifstofuna mína velti ég því fyrir mér hvernig ég mynd i lýsa byggingunni sem var staddur í. Fyrsta orðið sem mér datt í hug var "riget". Tíu hæda "Lansa"-kubbur með löngum göngum og skorsteini sem rýkur úr. ég er viss um að húsið er byggt í mýri og fullt af draugum. Meira um þá þegar ég verð búinn að kynnast þeim.
Í sögu Cervates barðist Don Kíkóti við vindmillur. Hér í Hollandi eru margar vindmillur en ég hef ekki enn fylgt fordæmi riddarans Kíkóta. Hins vegar eyddi ég talsverdum tíma dagsins í að berjast við ljósritunarvélar. Eftir harða og tvísýna baráttu hafði ég betur og náði að ljósrita kennsluefnið í Recursion Theory. Ég komst að því að stundaskrá okkar rökfræðinema var gölluð að því leyti að rangt stofunúmer var skráð fyrir kúrsinn Recursion Theory. Það skýrir af hverju enginn mætti í…
Fór í fyrsta tímann í Semantics of Computation. Þetta virðist í fljotu bragði vera frekar einfaldur kúrs. Ég var sá eini sem mætti í kúrsinn Recursion Theory. Enginn kennari, engir samnemendur. Fremur grunsamlegt. Það lítur út fyrir að ég geti bráðum útskrifast með doktorsgráðu í að búa til pasta með grænmetis-rjómaosts-sósu. Spurning dagsins: Grænmetis-rjómaosts-sósa er búin til með því að blanda saman steiktu grænmeti, rjómaosti og mjólk. Grænmetis-rjómaosts-sósan verður að innihalda a.m.k. eina tegund grænmetis og nákvæmlega eina tegund rjómaosts….
Hitti fyrsta norðurlanda nágrannann. Finna sem er að læra hagfræði. Hann sagðist ætla að láta mig hafa hjól. Svo virðist sem hjól gangi í erfðir hér í húsinu. Þetta er víst óttarlegur garmur (þ.e. hjólið) en vel nýtanlegt.
Ætlaði að ganga um hverfið til að kynnast því betur en varð frá að hverfa vegna hælsærisins sem ég varð mér úti um á miðvikudaginn. Notaði daginn til að lesa kynningarbækling um Holland. Hitti nokkra nágranna. Virðist allt vera prýðis fólk. Það er nokkuð skemmtilegt að versla hér í borg. Kaupa eitthvað sem lítur vel út og fletta síðan upp í orðabók þegar heim er komið til að sjá hvað það er. Skv. ordabókinni minni fékk ég mér kalkúnagúllas í…
Búinn að hitta þrjá nágranna. Allt laganemar. Einn nígerískur bandaríkjamaður og tveir kanadabúar. Ég er búinn að gleyma hvað þau heita ef ég hef á annað borð náð því þegar þau kynntu sig. Skoðaði skrifstofuna þar sem ég muna hafa aðstöðu. Virðast vera slappir stólar en ágætis tölvukostur.
Fór og hitti námsráðgjafann. Ég verð í þremur kúrsum þetta misserið, inngangi að stædfræðilegri rökfræði, kúrsi um setningarfræðilega eiginleika forritunarmála og loks kúrsi um endurkvæmni fræði. Fór á kynnigarfund um námið. Hitti þar þrjá af þeim sex sem koma nýir inn í námið á þessari önn. Annars vegar tveir finnskir strákar með grunngráðu í heimspeki og málvísindum og eru að byrja í doktorsnámi í setningar- og merkingarfræði. Hins vegar indónesísk stelpa með grunngráðu í tölvunarfrædi og er að fara í…