Á löngum föstudegi er
Á löngum föstudegi er tilvalið að fá sér langa göngu í Fredriksberg Have. Kvöldmáltíðin var afar þjóðleg. Hangiket, grænnabaunajafningur, flatbrauð og Egils malt og appelsín.
Eftir hádegismatinn pakkaði ég
Eftir hádegismatinn pakkaði ég nokkrum sokkum niður í tösku og hélt af stað út á lestarstöð. Þegar þangað var komið fékk ég að vita að lestarstarfsmenn væru í verkfalli. Til að draga út mætti verkfallsins höfu lestarstarfsmenn ákveðið að halda uppi samgöngum milli borgarinnar og Schiphol. Ég komst því klakklaust út á flugvöll. Þegar komið var á flugvöllinn var byrjað á að gegnumlýsa allan farangurinn minn til að athuga hvort ég væri nokkuð að flytja út gin eða klaufir. Þar…
Notaði daginn í að
Notaði daginn í að leysa verkefni fyrir Information Retrieval. Verkefnið var ekki flóknara en það að hægt var að leysa það á tíu mínútum. Ég bjó hins vegar til forrit sem leysti það á 10 millisekúndum. Gerð forritsins tók hins vegar allan daginn.
Í dag fór ég
Í dag fór ég í fyrstu tímana í nýju kúrsunum mínum. Fyrst var það Autonomous Learning Systems (ALS). Kennarinn byrjaði á að spyrja (á hollensku) hvort það væri einhver í stofunni sem ekki skildi hollensku. Sem betur fer skildum við sem ekki skiljum hollensku hvað hann var að segja og gátum svarað spurningunni játandi. Námskeiðið verður því kennt á ensku. Áður en kennarinn fór að kenna baðst hann afsökunnar á klæðaburði sínum. Hann væri nefnilega að fara á fund á…
Í stórmarkaðnum var kanína
Í stórmarkaðnum var kanína á kostakjörum. Ég sló til. Kanína með kartöflum og káli er hreint ekki svo slæm máltíð. Kjötið er ekki ósvipað kalkún.
Ég fékk mér langa
Ég fékk mér langa sunnudagsgöngu í dag. Þegar ég hélt af stað var ætlunin að kíkja rétt aðeins á ólympíuhverfið í Amsterdam. Eftir að hafa gengið í nokkurn tíma áttaði ég mig á því að ég var ekki með borgarkortið nógu vel í kollinum og vissi því ekki í hvaða átt ég ætti að fara til að finna hverfið. Þar sem ég vissi að ég væri í nágrenni árinnar Amstel ákvað ég að ganga meðfram henni. Nánar tiltekið ákvað ég…
Fékk heimsókn frá Vottum
Fékk heimsókn frá Vottum Jehóva í dag. Sem betur fer var ég að borða hádegismatinn og þeir sögðust ekki vilja trufla mig. Þeir héldu nú samt ræðu um það hvernig heimurinn gæti verið betri ef allir bara læsu Biblíuna. Í dag skiptust á skin og haglél. Ég var nokkrum sinnum næstum farinn út í sólina. Þegar svo næsta hrina af hagli kom þá var ég feginn að ég hafði ekki látið verða að því.
Finnski nágranninn minn hélt
Finnski nágranninn minn hélt heim á leið í dag. Það var eitt og annað sem hann hugðist ekki taka með sér heim. Þeim hlutum ákvað hann að skipta á milli okkar nágrannanna. Í minn hlut kom jurtin Katarína, motta og blómavasi. Herbergið mitt er nú mun heimilislegra. Nú er bara að muna eftir að vökva jurtina.
Skrapp á Stúdentakjallarann í
Skrapp á Stúdentakjallarann í kvöld ásamt nokkurm kunningjum. Við fengum okkur bjór og skáluðum í kveðjuskyni við finnska nágrannann minn. Hann heldur til baka til Helsinki á morgun.
Nú er það nokkuð
Nú er það nokkuð ljóst hvaða kúrsa ég ætla að taka á næsta misseri. Ég er að spá í að skella mér á tvo tölvunafræðilega kúrsa. Annar ber nafnið "Introduction to Information Retreval". Hann fjallar um fræðin sem liggja að baki leitarvélum. Hinn kúrsinn nefnist "Autonomous Learning Systems". Hann fjallar um það hvernig hægt er að fá tölvur til að læra. Eftir að hafa tekið þessa tvo kúrsa ætti ég ekki að þurfa að mæta í skólann framar. Ég bý…