Í námskeiðinu Autonomous Learning Systems eru annað slagið lögð fyrir forritunarverkefni. Eitt af því sem er sameiginlegt með þeim öllum er skilafresturinn. Þeim ber öllum að skila fyrir 27.júlí 2001. Þó langt sé í að skilafresturinn renni út hef ég hef reynt að vinna þessi verkefni jafnt og þétt. Hins vegar hef ég ekki verið duglegur við að skila þeim inn. Í dag ætlaði ég að breyta því með því að skila inn fjórum fyrstu verkefnunum (öllum verkefnunum sem lögð…
Ég fékk í dag tölvupóst frá starfsmanni ensks ráðningafyrirtækis. Hann spurði hvort ég væri til í að vinna fyrir umbjóðanda sinn, þýskt upplýsingatæknifyrirtæki staðsett í Munchen. Þeir voru að leita að "strong linguist with a sound academic background and c.1-2yrs commercial OO programming experience (Java/C++)". Ég veit nú ekki alveg hvers vegna hann var að senda mér póst. Ég er nú hvorki sterkur né málvísindamaður.
Ég náði að klára í dag forrit sem ég er búinn að vera að puða við undanfarið. Forritið var lausn á verkefni sem var sett fyrir í kúrsinum Autonomous Learning Systems. Verkefnið fólst í því að búa til forrit til að læra hlutmengi í mengi allra strengja. Forritið fær sem inntak nokkra strengi sem eru í menginu (dæmi) og nokkra strengi sem ekki eru í menginu (mótdæmi). Forritið skilar af sér lýsingu á stöðuvél sem ber kennsl á öll dæmin…
Sunnudagar eru prýðilegir til að leika sér á netinu. Ég er að hugsa um að velja þessa síðu sem síðu dagsins.
Ég var orðinn þreyttur á að nota ekki bollana úr eldhúsinu (þ.e. ég var orðinn þreyttur á að finna ekki hreinan bolla þegar mig vantaði slíkan). Ég skrapp því í bæinn til að kaupa mér mína eigin bolla. Keypti mér í leiðinni koníaksglös. Nú þarf ég ekki lengur að drekka koníakið mitt úr óhreinum bolla. Ég er ekki frá því að ég hafi lært talsverða dönsku af því að lesa Lukku Láka bækur þegar ég var í Köben um daginn….
Ég var að skoða afritið af gömlu tölvunni minni þegar ég rakst á gamlan kunningja, Striker, fótboltaleik sem fylgdi með Championship Manager I. Ég fann fyrir óstjórnanlegri löngun til að endurnýja kynnin. Ég skemmti mér stórvel við að spila þennan gamla góða einfalda (980 kb) tölvuleik (FIFA 2001 hvað?).
Ég fékk í dag tölvupóst frá hollenska fyrirtækinu DataDistiller. Það sagðist hafa fundið CV-ið mitt á netinu og í framhaldinu ákveðið að benda mér á að það væri að leita að starfsfólki. Það hvatti mig til að sækja um vinnu hjá sér. Einnig bað það mig um að segja öllum vinum mínum sem hefðu svipaðan feril og ég, frá þessum lausu störfum. Ég er ekki að leita mér að vinnu en ef þú, lesandi góður, hefur svipaðan feril og ég…
Ég nennti ekki að elda og skellti mér þess vegna á ítalskan (les: tyrkneskan) flatbökustað í nágrenninu. Þegar ég var búinn að panta matinn hugðist ég að snúa mér að lestri bókarinnar sem ég hafði tekið með mér til að stytta mér biðina eftir matnum. Það var hins vegar eitthvað sem truflaði mig, en ég vissi ekki hvað það var. Fljótlega áttaði ég mig á því að skvaldrið á veitingastaðnum var ekkert venjulegt hollenskt skvaldur. Mér fannst ég greina íslenskt…
Kennarinn í iir var nýkominn heim frá Fíladelfíu og ekki búinn að jafna sig á tímamismuninum. Hann var því ekki fyllilega vakandi í tíma í dag. Hann stóð sig samt furðuvel við að koma efninu til skila. Af og til stoppaði hann þó fyrirlesturinn og starði út í loftið eins og hann væri að reyna að átta sig á stund og stað. Líklegast hefur hann tekið myndvarpann með sér yfir hafið því að á honum voru einnig þreytumerki. Af og…
Eins og ég hef áður minnst á í dagbókinni þá eru nágrannar mínir ekki þeir allra duglegustu í því að halda eldhúsinu hreinu. Iðulega safnast mikið fyrir af óhreinu leirtaui í vaskinum og oft má finna hálfrotnaða ávexti uppi á ísskápnum. Á mánudögum er rusl hirt í götunni okkar. Við þurfum því að henda ruslapokunum okkar út á gangstétt á mánudagsmorgnum. Það kom mér skemmtilega á óvart þegar ég lagði leið mína inn í eldhús í morgun að einhver hafði…