Á miðvikudögum er gaman að hafa sjónvarp. Þá er sýnt beint frá meistaradeildinni. Ég eyddi kvöldinu fyrir framan skjáinn og horfði á PSV vinna Lazio. Auk þess að njóta fótboltans reyndi ég að læra hollensku með því að reyna að skilja hvað þulurinn var að segja. Þetta tel ég vera afar hjálplegt í baráttunni við að læra hollensku. Því eins og alkunna er þá eru íþróttaþulir miklir málfarssnillingar.
Til er margs konar fíkn. Listinn yfir þau efni sem hægt er að ánetjast er langur. Þar er má m.a. finna kaffi, tóbak, súkkulaði o.fl. Fram til dagsins í dag hafði ég ekki vitað að Worchestersósa væri á þessum lista. Í dag kom einn nágranni minn út úr skápnum sem Worchestersósufíkill. Í fyrstu hélt ég að fíknin lýsti sér í því að hann útbúi oft rétti sem innihaldi sósuna. Hins vegar finnst honum best að drekka sósuna beint af stút.
Fram til dagsins í dag hafði ég stundað framhaldsnám mitt án þess að þurfa að kaupa eina einustu kennslubók. Í dag keypti ég mér bók um Modal Logic. Í daglegu tali er bókin kölluð "bókin um Modal Logic" eða bara "bókin". Þar sem bókin er að mestu leyti skrifuð af kennurum við UvA þá fengum við hana á dúndurtilboði, 150NLG í stað 220NLG. Ég er nokkuð viss um að þetta hafi ekki verið slæm kaup.
Í morgun vaknaði ég við: "Bánk bánk". Ég skreið fram úr rúminu og opnaði dyrnar. "Góðan daginn Börkur. Var ég að vekja þig" "Já" "Komdu fljótt. Það er nokkuð sem þú verður að sjá" Ég elti nágrannann inn í herbergið hans. "Sjáðu páfagaukinn sem situr þarna á gluggasillunni. Hann vakti mig í morgun ásamt fjórum bræðrum sínum. Bræðurnir flugu í burtu en þessi er búinn að sitja þarna í langan tíma og horfa inn í herbergið" "Hmmm … fuglarnir hafa…
Þegar fólk kemur saman til að spila rommí þá fer oft heilmikill tími í að ákveða hvaða reglur skuli gilda. Hvernig má nota tvista? Hversu mörg stig fást fyrir ás? O.s.frv. Í gær spilaði ég rommí við tvo nágranna mína. Hvorugur þeirra hafði spilað rommí áður. Ég gat því þröngvað upp á þá þeim reglum sem mér líkaði. Úr varð afar ánægjuleg kvöldstund með rommí, ouzo, brennivíni og tei. Ekki spillti það fyrir mér ánægjunni að ég vann spilið.
Í morgunsárið leit út fyrir að ég myndi skila inn afar ófullnægjandi lausnum á heimaverkefnunum í Model Theory. Ég hafði setið í allan gærdag með sveittan skallann og reynt að leysa þessi verkefni. Árangur dagsins voru lausnir sem ég var viss um að væru rangar en ég vissi ekki hvar villan lá. Ég gerði því úrslita tilraun í morgun til að brjóta upp meinlokuna sem villan leyndist bak við. Eftir mikinn lestur og heilabrot þá tókst mér ætlunarverkið. Ég gat…
Í dag var fyrsti tíminn í Reasoning About Uncertainty. Eins og nafnið gefur til kynna fjallar kúrsinn um röksemdafærslu í kerfi sem inniheldur óvissu. Þetta virðist vera skemmtilegur kúrs, en ekki nógu skemmtilegur til að ég nenni að taka hann til eininga. Ég er því að hugsa um að sitja kúrsinn án þess að skila inn neinum verkefnum.
Makedónskur fyrrum nágranni minn var svo óheppinn að missa herbergið sitt núna í sumar. Hann bað mig því að geyma fyrir sig sófa, sjónvarp og myndbandstæki. Hann ætlaði síðan að sækja góssið núna í haust þegar hann væri búinn að redda sér nýju heimili. Honum hefur hins vegar ekki tekist að finna húsnæði hér í borg og býr því í Utrecht. Þar sem hann nennir ekki að burðast með sófa, sjónvarp og myndbandstæki þangað þá sit ég uppi með herlegheitin…
Eftir að ég hafði klárað pítsuna mína bauð kínverski nágranni minn mér upp á kínverska kjötsúpu. Ég þáði hana með þökkum. Súpan bragðaðist afar vel og að sjálfsögðu borðaði ég hana með prjónum.
Ég vakti nágranna minn rétt fyrir níu í morgun og spurði hvort hann ætlaði ekki að mæta í Modal Logic kennslustund. "Jú, en ekki fyrr en klukkan fjögur!". Á þeirri stundu áttaði ég mig á því að ég hafði klúðrað hinum fullkomna skóladegi. Ég fór því í Model Theory kennslustund klukkan níu, gersamlega óundirbúinn og var algerlega úti á þekju allan tímann. Milli níu og fjögur notaði ég tímann til að undirbúa mig enn betur fyrir Modal Logic. Ég gat…