Dagbók Barkar

Eftir að hafa horft á tvo fréttatíma í hollenskum sjónvarpsstöðvum, slökkti ég á sjónvarpinu og kveikti á tölvunni til þess að horfa á enn einn fréttatímann. Ég hlóð niður beina útsendingu ruv.is. Í framhaldi fréttanna horfði ég með öðru auganu á Gísla Martein og félaga en notaði hitt augað til að gera heimaverkefni fyrir hollenskunámskeið. Þegar kosningavakan byrjaði fékk útsendingin alla mína athygli. Ég hélt út til klukkan hálf fjögur að hollenskum tíma (hálf tvö að íslenskum tíma).

Fyrir nokkrum vikum sendi ég í félagi við tvo vinnufélaga inn umsókn um að kaupa árskort á heimaleiki Ajax fyrir næsta tímabil. Í dag fékk ég bréf frá Ajax þar sem mér var sagt að umsókn mín væri komin í hús og búið væri setja mig á biðlista. Endanlegt svar er væntanlegt um mánaðamót júní og júlí. Ég bíð því um sinn með það að kaupa mér Ajax treyju og trefil.

Ég fór í klippingu fyrir jólin. Nú rúmum fjórum mánuðum síðar var hún komin á síðasta snúning, jólaklippingin. Hárið var vel sítt að aftan. Sem og að framan, að ofan og til hliðar. Ég hafði því um tvo kosti að velja. Að láta mér vaxa yfirvararskegg í stíl eða fara í klippingu. Ég ákvað að taka seinni kostinn. Þegar hárgreiðslukonan spurði mig hvernig klippingu ég vildi þá svaraði ég stutt og laggott: stutt og laggott. Nú er ég orðinn stutthærður…

Read More Read More

Það viðraði ekki vel til sumarleyfis í dag. Það var skýjað og það gekk á með skúrum. Ég ákvað því, þvert á tilmæli starfsmannahaldsins, að fara í vinnuna í dag. Ég tek mér þess í stað frí einhvern tíman þegar betur viðrar.

  Í dag er haldið upp á afmæli drottningarinnar hér í Hollandi. Drottningin á að vísu ekki afmæli í dag en það spillir ekki fyrir gleðinni. Fyrst var haldið upp á afmælisdag drottningarinnar 31.ágúst 1891, á afmælisdegi Vilhelmínu drottningar. Júlíana tók við drottningartigninni 1948. Færðist þá drottningardagurinn yfir á afmælisdag hennar, 30.apríl. Beatrix varð handhafi krúnunnar 1980. Beatrix á afmæli 31.janúar. Veðurfar í janúar þykir ekki boðlegt fyrir hátíðarhöld. Beatrix ákvað því að heiðra móður sína með því að halda…

Read More Read More

  Nú er ég kominn í helgarfrí. Á morgun er drottningardagurinn, afmælisdagur drottningarmóðurinnar. Þá er kátt í höllinni. Það er einnig kátt á götum úti. Á fimmtudaginn er svo frí til að samfagna verkalýðnum. Á föstudaginn er starfsmönnum háskólans skylt að taka sér sumarfrí því það þykir ekki við hæfi að hafa einn stakan vinnudag milli fría. Um helgina er svo helgarfrí. Á mánudaginn er svo frí til að halda upp á það að Holland var frelsað undan valdi Þjóðverja…

Read More Read More

  Það er ekki auðvelt að vera afreksíþróttamaður fastur í líkama tölvunarðar. Undanfarið hefur tíðni skokkferða smám saman fallið úr þremur á viku niður í einn á viku. Ástæður þess liggja í því að fæturnir á mér, sérstaklega hnén, stóðust ekki svo mikil átök. Heilsuátakið mitt sem hófst fyrir sex vikum síðan stendur þó enn yfir, þó að umfang þess sé kannski minna en áætlað var í upphafi. Í dag hljóp ég tæpa sex kílómetra, eða þar til að ég…

Read More Read More

  Ég trassaði hollenskunámið mitt í vikunni. Ég vann ekki heimavinnuna mína. Ég hef því tileinkað helgina því að vinna upp það sem ég hef misst af. Ég eyddi því mestum hluta dagsins í að lesa námsbækurnar og vinna verkefni. Ég tók mér af og til frí frá bókalestri, lék mér að sjónvarpsfjarstýringunni og athugaði hvort eitthvað skemmtilegt væri á skjánum. Ég datt meðal annars inn á íslenska barnamynd sem sýnd var í belgíska ríkissjónvarpinu. Samtöl leikaranna voru á íslensku…

Read More Read More

  Ég fór á pöbbinn til að stunda vikulega bjórdrykkju með nokkrum kunningjum mínum. Þar kom meðal annars til tals hvort ég væri ekki á leiðinni í klippingu. Var mér í sömu andrá líkt við  Raymond Daniel Manzarek og Liam Gallagher. Ég er ekkert viss um að þar sé leiðum að líkjast. Hins vegar virðist hárið á mér vera of mikið fyrir heiminn. Kannski að ég reyni að finna Armenskan rakara og fái hann til að klippa á mér hárið…

Read More Read More

  Það var fámennt en góðmennt í setringarhlutagreiningar fyrirlestrinum mínum í dag. Auk mín var mættur annar kennara námskeiðsins og tveir nemendur. Hinn kennarinn og þrír nemendur voru fjarverandi.  Fyrirlesturinn heppnaðist prýðilega. Ég hef þó á tilfinningunni að ég hafi á köflum gert hlutina aðeins flóknari en nauðsynlegt var. En allt komst þó til skila fyrir rest. Ég hef tekið miklum framförum í fyrirlestri síðustu mánuði. Það er af sem áður var þegar ég gat vart hóstað upp orði sökum…

Read More Read More