Hvernig er u.þ.b. 15 metra hár vinnupallur reistur við húsvegg sem snýr að síki? Jú, bát er lagt upp að veggnum og pallurinn reistur ofan á bátnum.

Ég lærði nýtt orð í gær. Nei, ekki hollenskt orð (hollenska hvað er nú það?). Ég var að vaska upp þegar ég var spurður hvort ég teldi það bera vott um

"extravagancy"

að koma föður sínum á óvart með því að heimsækja hann þegar hann er á ferðalagi í Lundúnum. Eftir að hafa fengið útlistun á því hvað "extravagancy" merkir þá svaraði ég neitandi og vonaði að faðirinn væri ekki að gera neitt sem dóttirin ekki mátti vita.