Þýskur nágranni minn varð fyrir því óláni að skemma hjólið sitt. Hann þurfti því að kaupa sér nýtt. Bestu hjólakaupin hér í borg gerast á brú einni í miðbænum. Það safnast fyrir dópistar og selja þau hjól sem þeir stálu nóttina áður. Nágranninn fór því þangað til að kaupa hjól. Þegar dópistinn sem hann verslaði við uppgötvaði að nágranninn væri þjóðverji þá fór hann að telja upp alla þá staði þar sem hann hafði dvalist í Þýskalandi. Nánar tiltekið taldi hann upp öll þau þýsku fangelsi sem hann hafði þurft að dúsa í yfir ævina. Sá listi var víst langur og athygliverður. Sannarlega ágætis kaupbætir.