Nú er bráðum komið ár frá því að ég byrjaði í doktorsnámi við Amsterdamháskóla. Á morgun funda ég með leiðbeinendunum mínum. Þar verður litið yfir farinn veg og lagt mat á það hvernig mér hefur gengið undanfarið ár. Í framhaldi að fundinum getur háskólinn annað hvort sagt:

"Þú ert órakaður auli, innskeifur með hor, hærður undir höndum og á fingrunum er slor. Þú ert stirðlæs og þú stamar og ert með stórt og forljótt nef. Þú veist það elsku vinur að við viljum ekkert pakk. Nei takk, oj bjakk. Tak sæng þína og gakk. Og hundskastu á burt í einum grænum og findu þér einhvern annan stað í bænum."

eða

"Goed zo jonge, we verlengen je contract."

Ég veit nú samt fyrirfram hver niðurstaðan verður. Ég mun halda starfinu. Enda hefur allt gengið vel hingað til.