Svo lengi sem ég get munað hafa móðir mín og systir tönnlast á því að ég ætti ekki að tönnlast á nöglunum mínum. Í gær barst þeim óvæntur liðsauki í baráttu sinni gegn naglaáti mínu. Leiðbeinandi minn ráðlagði mér að naga ekki neglurnar. Allavegana rétt á meðan ég héldi fyrirlestra. Hann sagði að ég hefði nagað neglurnar í fyrirlestri sem ég hélt fyrir vinnufélaga mína á mánudaginn. Honum fannst það ekkert sérlega smekklegt.