Framlenging
Fundi slitið. Niðurstaða fékkst. Ég mun vera á launaskrá Amsterdamháskóla í allt að þrjú ár enn. Þá ætti ég að hafa lokið við að skrifa doktorsritgerð mína.
Þú ert drekinn
Nú er bráðum komið ár frá því að ég byrjaði í doktorsnámi við Amsterdamháskóla. Á morgun funda ég með leiðbeinendunum mínum. Þar verður litið yfir farinn veg og lagt mat á það hvernig mér hefur gengið undanfarið ár. Í framhaldi að fundinum getur háskólinn annað hvort sagt: "Þú ert órakaður auli, innskeifur með hor, hærður undir höndum og á fingrunum er slor. Þú ert stirðlæs og þú stamar og ert með stórt og forljótt nef. Þú veist það elsku vinur…
Bólsturverk
Ég fékk í gær lánaða tvo borðstofustóla og borðstofuskáp. Ég er svo heppinn að vinnufélagi minn á meira af húsgögnum en hann getur með góðu móti komið fyrir heima hjá sér. Ég fæ því að geyma herlegheitin um óákveðinn tíma. Annar stólanna var að vísu ekki bólstraður. Það fylgdi hins vegar áklæði með stólnum og ég þrufti bara að skella því á. Ég skellti mér í það verk þegar ég kom heim úr vinnunni í dag. Þó (les því) að…
Landsleikur í Þýskalandi
Héðan frá Amsterdam er stutt til Þýskalands. Það er ekki nema sex tíma lestarferð til Hamborgar. Ég hef því ákveðið að skella mér á morgun í sex tíma lestarferð til Þýskalands og horfa þar á landsleikinn á laugardaginn. Ég ætla að vísu ekki til Hamborgar. Ég er á leiðinni til Saarbruecken. Ég fer því ekki á völlinn heldur læt mér nægja að horfa á sjónvarpsútsendingu. Þýskalandsferðin er ekki einungis farin til að horfa á fótbolta. Aðal ástæða ferðarinnar er að…
Tíminn líður hratt
Tíminn líður hratt á gervihnattaöld. Mér finnst eins og það hafi gerst í gær að ég leit á dagatalið í gær og hugsaði með mér:"fjórði október … ég hef séð hann einhvers staðar áður". Það var ekki fyrr en eftir mikla umhugsun að mér varð ljóst að ég hafði séð fjórða október nákvæmlega ári áður. Fjórði október tvöþúsundogtvö var enginn venjulegur dagur. Á þeim degi varði ég meistararitgerðina mína. Nú er því liðinn ár og dagur síðan ég gat talist…