Við kláruðum í kvöld veggspjaldið fyrir SIGIR 2003 ráðstefnuna. Nú er bara að bíða vona að spjaldið verði samþykkt. Ég fer í fríið Til þess að halda upp á það hversu duglegur ég er búinn að vera í vinnunni undanfarið þá ætla ég að taka mér vikufrí. Fríið ætla ég að nota til að skreppa til útlanda. Útlandið sem varð fyrir valinu er Ísland.
Leið mín heim úr vinnunni liggur um brú yfir ána Amstel. Þegar ég kom að brúnni var hún upphafin til þess að hleypa skipi niður ána. Ég nennti ekki að bíða eftir að skipið sigldi hjá og ákvað því að hjóla meðfram ánni, upp að næstu brú. Ég hafði ekki hjólað lengi áður en að ég var stoppaður af löggunni. Hún var að sekta fólk fyrir að hjóla ljóslaust. Ég var með ljós að aftan en framljósið mitt er…
Dagurinn í dag var afar ruglingslegur. Ég var allan morguninn djúpt sokkinn í vinnu við veggspjald sem ég þarf að klára á föstudag. Rétt eftir hádegi fékk ég tölvupóst frá nemanda þar sem hann spurði mig út í efni fyrirlestrar sem ég gaf fyrir tæpum tveimur vikum. Ég tók mér því hlé frá veggspjaldinu og reyndi að finna svar við spurningu nemans. Mér tókst ekki að finna svarið áður en að kennslustund í námskeiðinu Probabilistic Grammars and Data Oriented…
Í dag var hæð yfir Hollandi. Veðrið var því afar gott. Sjö stiga hiti og sólin skein glatt. Ég notaði góða veðrið til að fá mér hjólatúr. Ferðinni var heitið til Marken. Marken var einu sinni raunveruleg eyja en var tengd við land með vegi árið 1957. Marken liggur í IJsselmeer. IJsselmer var einu sinni flói inn af Norðursjó en var lokaður af með vegi árið 1932. Fyrst lá leiðin yfir Het IJ, skipaskurð sem sker Amsterdam (og Noord…
Rússneskur vinnufélagi minn sagði skemmtilega sögu yfir hádegismatnum. Hann hafði einu sinni orðið vitni að því þegar landi hans gerði fimm stafsetningarvillur þegar hann reyndi að skrifa þriggja stafa orð. Þ.e.a.s. hann skrifaði fimm stafi á blað en enginn þeirra var réttur. Íslensk stafsetning Þessi saga minnti mig á aðra sögu. Ég átti einu sinni minningabók. Þar átti meðal annars að fylla inn í eyðuna í setningunni "Ég stend mig verst í _______". Einn kunningi minn skrifaði tvisvar í…
Ég bætti undirsíðunni Ritaskrá á vefinn minn. Nú verð ég að vera duglegur í vinnunni svo að ég geti haldið áfram að bæta við efni á þessa síðu.
Þar sem að dæmatíminn sem ég átti að kenna í síðustu viku féll niður vegna misskilnings þá var ákveðið að reyna aftur í dag. Ég undirbjó því nýja sýnikennslu í notkun "Model Checker"-a. Sýnikennslan tókst bara þokkalega. Ég var að minsta kosti spurður gáfulegra spurninga svo að ég álykta að einhverjir nemendanna hafi skilið það sem ég var að segja. Fyrsta greinin komin í prentun… …eða þar um bil. UvA XML upplýsingaleitarflokkurinn skilaði af sér grein í dag. Greinin…
Fyrir framan útidyrahurðina heima hjá mér er dálítið innskot til þess að verja fólk fyrir regninu meðan það er að leita að lyklunum. Þetta sama innskot myndi einnig henta þeim sem vilja skilja munaðarlaus börn í körfu fyrir framan dyrnar, eins og gert er í bíómyndunum. Það var þó ekki sofandi barn í körfu sem beið mín þegar ég yfirgaf húsið í morgun. Á tröppunum svaf hins vegar fullvaxin vera undir tepppi. Ég kunni ekki við að vekja manneskjuna…
Ég var í dag viðstaddur doktorsvörn vinnufélaga míns. Þetta var svaka formleg og flott athöfn. Athöfnin fór fram í kirkju háskólans. Verjandinn, klæddur í kjólföt, byrjaði á að gefa stutta lýsingu á verkefninu sínu. Þetta var ein sú áhugaverðasta ræða sem ég hef heyrt flutta við altari. Að fyrirlestrinum loknum heyrðist bjölluhljómur og allir risu úr sætum. Inn eftir kirkjugólfinu gengu dómararnir, klæddir í skikkjur. Á undan þeim gekk stjórnandi athafnarinnar, skikkjuklædd kona sem hélt á priki með bjöllum….
Loksins er ég fluttur til Hollands. Flutningurinn hefur tekið rúm tvö ár. Núna er nýja heimilisfangið mitt (skv. þjóðskrá): Hollandi 999 Erlendis Endilega sendið mér póstkort.