Varúð: Eftirfarandi dagbókarfærsla er bönnuð börnum. Jólagjafakaup Nú er tími til að kaupa jólagjafir. Ég ákvað að kaupa flíkur handa börnum systkina minna og vina. Þetta var þónokkuð djörf ákvörðun hjá mér ef tekið er tillit til þess að ég hef litla reynslu í að kaupa krakkaföt. Ég vissi þó að það var ekki hægt að kaupa "one size fits all"-flíkur handa tveggja til átta ára börnum. Ég vann því heimavinnuna mína og aflaði mér upplýsinga um tengsl aldurs…
Ég hef einhvern tímann áður kvartað yfir því hversu lélegir kerfisstjórarnir eru hér við Amsterdamháskóla. Til þess að þurfa ekki að hugsa mikið um öryggismál þá banna þeir nettengingu tölva sem þeir hafa ekki sett upp sjálfir. Þetta þýðir að ég fæ ekki að tengja fartölvuna mína inn á netið. Ég þarf því að notast við diskettur til að flytja vefsíðurnar mínar út á vefinn. Núna virkar ekki diskettudrifið á tölvunni í skólanum. Það er því ekki hlaupið að…
Nú er ég kominn til baka í borgarmenninguna og get farið að skrifa í dagbókina á ný. Nýtt vefsnið Sumarið 2001 byrjaði ég á því að færa vefinn minn af HTML sniði yfir á almennara XML snið. Fyrir þá sem ekki vita þá er best að skýra aðeins muninn á HTML og XML. HTML snið notað til að lýsa útliti texta. XML er e.k. alhæfing HTML, þ.e.a.s. XML er almennt snið til að lýsa hvaða eiginleikum texta sem er…
Ég fór út í búð til að kaupa mér buxur, vesti, brók og skó; eða a.m.k. buxur. Mig minnti að ég hafði séð HogM í verslunargötu í nágrenninu. Þegar betur var að gáð þá reyndist það vera vitleysa í mér. Ég ákvað því að fresta buxnakaupum um sinn og halda heim á leið. Áður en heim var komið varð mér á að líta inn um glugga á myndavélabúð. Þar sá ég svolítið sem ég hafði í talsverðan tíma verið…
Þegar vekjaraklukkan hringdi klukkan hálfsex í morgun hugsaði ég með mér ,,blaaah". Þetta voru nú ekki sérlega djúpar pælingar en kannski ekki við öðru búast svona snemma morguns. Ég skreið fram úr og bjó mig undir að halda til Leuven í Belgíu til að sitja 3rd Dutch-Belgian Information Retrieval Workshop. Á slaginu sex var ég mættur út á gangstétt og beið þess að vinnufélagi minn kæmi og sótti mig. Klukkan tuttuguogfimm mínútur yfir sex hringdi síminn. Vinnufélaginn sagðist hafa…
Í fréttunum í dag kom fram að lögreglurannsókn hefði leitt í ljós að sprengjurnar sem plantað var í IKEA verslunum hér í Hollandi voru verk glæpamanna en ekki hriðjuverkamanna. Ég veit hins vegar ekki hversu mikið þessi uppgötvun mun hjálpa framhaldi rannsóknarinnar. Nú getur lögreglan kannski afboðað fundi með öllum hriðjuverkamönnunum sem þeir voru búnir að boða til yfirheyrslu.
Þegar ég leit út um gluggann í morgun blasti við kunnugleg sjón. Handan götunnar stóð silfurgrár Saab 900, 86 árgerð með vínrautt áklæði. Mig greip strax löngun til að hlaupa út, yfir götuna, opna húddið og skipta um kerti. Ég náði þó að halda aftur af mér.
Ég fékk það staðfest í dag að ég fæ að fara tvisvar til útlanda á næstu dögum. Á föstudaginn verður mér vísað á DIR, Dutch-Belgian Information Retrieval Workshop. Ráðstefnan er haldin í Leuven í Belgíu. Á sunnudaginn fer ég svo til Dagstuhl í Þýskalandi og verð þar fram á miðvikudag. Þar verður haldin ráðstefna á vegum INEX, Initiative for Evaluating XML Retrieval.
Í dag var komið að því að borga leigu í fyrsta sinn eftir að ég flutti í nýja húsnæðið. Ég var með bankareikningsnúmer húseigandans undir höndum svo að greiðslan ætti að vera einföld. En raunin var önnur. Málið er að ég stunda bankaviðskipti við Postbank sem er í eigu hollesku póstþjónustunnar. Postbank er ekki með nein útibú fyrir viðskiptavini sína. Öll samskipti eru bréfleiðis, þetta er jú póstbanki. Ef ég vil eiga samskipti við bankann þá fer ég á…
Ég byrjaði í dag aftur á þeirri vitleysu að halda dagbók á vefnum. Ég stefni að því að færa inn eitthvað á hverjum degi. Líklega mun ég þó ekki standa við þá áætlun og það munu koma dagar þar sem ég mun ekki færa inn nokkurn skapaðan hlut. Hvað hefur gerst síðan síðast? Nú er næstum ár síðan ég skrifaði síðustu færslu í dagbókina. Á þeim tíma sem liðinn er hefur svosem ýmislegt gerst. Það markverðasta er að ég…