Rabbaði um veðrið við
Rabbaði um veðrið við Kenýskan nágranna minn. Á heimaslóðum hans getur hitinn farið niðrí allt að nítján gráður á celcius, í kaldasta mánuðinum þeirra, júlí.
Ég hélt áfram þar
Ég hélt áfram þar sem frá var horfið í gær við að leysa verkefnið fyrir Information Retrieval. Ég náði að lokum að klára það. Þá hafði ég metið þrjár leitarvélar með því að leggja fyrir hverja þeirra 20 fyrirspurnir. Fyrir hverja fyrirspurn leit ég á fyrstu 20 vefsíðurnar sem vélin skilaði og ákvarðaði hvort þær innihéldu svör við fyrirspurninni. Samtals skoðaði ég 1200 vefsíður. Samt sem áður er ég ekki miklu nær um það sem ég var að leita að….
Eyddi deginum í að
Eyddi deginum í að leysa verkefni fyrir Information Retrieval kúrsinn. Verkefnið fólst í að bera saman vefleitarvélar. Einnig var reynt að fá okkur til að spá í hvernig er best að nota leitarvélarnar. Hugsum okkur til dæmis að við viljum finna upplýsingar um tengsl milli launa og kynferðis. Ætli þá sé nægjanlegt að leita að vefsíðum þar sem orðið sex kemur fyrir? En að hverju leitum við ef við viljum sýna fimm ára frænku okkar vefsíður um Barney the Dinosaur?…
Ég fékk afar skemmtilegan
Ég fékk afar skemmtilegan tölvupóst í dag. Það voru skilaboð frá umsjónarmanni Master of Logic námsins. Þar var mér tilkynnt að þar sem ég hafði staðist báða kúrsa á fyrsta misserinu mínu þá væri mér heimilt að hefja nám á öðru misserinu mínu. Þetta er nokkuð skondið þar sem það er vika síðan ég hóf nám á öðru misserinu mínu. Ég var því ekki alveg viss í hvaða tilgangi þetta bréf var sent. Aftast í bréfinu var hins vegar skýring….
Þegar ég var búinn
Þegar ég var búinn að innrita mig í flugið heim þurfti ég að finna út um hvaða hlið ég þyrfti að fara um borð í vélina. Ég leit á brottfara skjáinn. Þarna var gamla góða færslan, "19:45 – Reykjavik – B9". Ég hélt af stað í átt að hliði B9. Eftir að hafa gengið í stutta stund hugsaði ég með mér, "en ég er ekki á leið til Íslands". Ég leit því aftur á brottfararskjáinn. Þar fann ég það sem…
Tók það rólega fram
Tók það rólega fram eftir degi til að jafna mig eftir næturgamanið. Fjölskyldan skrapp svo á Svarta hestinn og fékk sér mokost (máltíð sem er sambland af morgenmad og frokost). Kvöldmaturinn var afar ljúffengur. Íslenskt lambalæri með sveppasósu og kartöflum.
Fékk mér langan göngutúr
Fékk mér langan göngutúr um borgina. Gekk upp og niður Strikið og barði litlu hafmeyjuna augum. Ósköp er hún lítil greyið. Um kvöldið kíkti ég á næturlífið í borginni. Dansaði á Vega fram eftir nóttu.
Á löngum föstudegi er
Á löngum föstudegi er tilvalið að fá sér langa göngu í Fredriksberg Have. Kvöldmáltíðin var afar þjóðleg. Hangiket, grænnabaunajafningur, flatbrauð og Egils malt og appelsín.
Eftir hádegismatinn pakkaði ég
Eftir hádegismatinn pakkaði ég nokkrum sokkum niður í tösku og hélt af stað út á lestarstöð. Þegar þangað var komið fékk ég að vita að lestarstarfsmenn væru í verkfalli. Til að draga út mætti verkfallsins höfu lestarstarfsmenn ákveðið að halda uppi samgöngum milli borgarinnar og Schiphol. Ég komst því klakklaust út á flugvöll. Þegar komið var á flugvöllinn var byrjað á að gegnumlýsa allan farangurinn minn til að athuga hvort ég væri nokkuð að flytja út gin eða klaufir. Þar…
Notaði daginn í að
Notaði daginn í að leysa verkefni fyrir Information Retrieval. Verkefnið var ekki flóknara en það að hægt var að leysa það á tíu mínútum. Ég bjó hins vegar til forrit sem leysti það á 10 millisekúndum. Gerð forritsins tók hins vegar allan daginn.