Á brú yfir eitt síkjanna sá ég strákling með veiðistöng. Ég er ekki viss um að það sé mikið líf í síkjunum hér. Aftur á móti gæti ég trúað að þar séu ein gjöfulustu veiðisvæði stígvéla o.þ.h. Í þann mund er ég gekk framhjá stráknum á brúnni náði hann að landa 2ja punda tuskudruslu. Ég býst við að hún hafi verið jafn óæt og marhnúturinn sem ég veiddi niðri á höfn í Reykjavík hér um árið.