Hvernig er u.þ.b. 15 metra hár vinnupallur reistur við húsvegg sem snýr að síki? Jú, bát er lagt upp að veggnum og pallurinn reistur ofan á bátnum. Ég lærði nýtt orð í gær. Nei, ekki hollenskt orð (hollenska hvað er nú það?). Ég var að vaska upp þegar ég var spurður hvort ég teldi það bera vott um "extravagancy" að koma föður sínum á óvart með því að heimsækja hann þegar hann er á ferðalagi í Lundúnum. Eftir að hafa…
Kennarinn minn í Inngangi að rökfræði (sá sem ég á bágt með að skilja) var of upptekinn til að kenna mér í dag. Þess vegna fékk hann doktorsnema til að hlaupa í skarðið. Neminn er miklu skiljanlegri en doktorinn.
Ég ætlaði að vakna snemma til að geta lokið við dæmin í Semantics of Computation, sem ég átti að skila klukkan ellefu. Hins vegar vaknaði ég ekki fyrr en klukkan tíu. Ég skrópaði því í S.o.C. til að geta klárað dæmin. Eftir mikinn hamagang tókst mér að klára þau. Ég skilaði þeim klukkan 12.30. Seinna frétti ég að skilafrestur hafði verið framlengdur til föstudags.
Við Dísa skruppum í dýragarðinn í Köln. Það er nokkuð skondið að fara í dýragarð að vetri til, þegar allir birninir eru í hýði. Nú get ég státað af því að hafa komist í návígi við ljón. Það voru aðeins um 10cm (og öryggisgler) sem skildu okkur að. Annars voru flest dýrin frekar þunglynd. Það var einna mesta lífið í steingerða fornaldar fisknum. Við misstum af því þegar Piranafiskarnir voru fóðraðir en sáum hins vegar hnakkana á fólki sem sá…
Vaknaði snemma, pakkaði niður nokkrum sokkum og fór niður á aðalbrautarstöð. Þar beið mín lestin sem átti að flytja mig til kölnar. Eftir um stundar ferðalag var kominn tími á kaffi. í veitingavagninum var mér tjáð að vegna rafmagsleysis væri kaffivélin óvirk. Kaffivélin er sú vél sem knýr mig áfram. Líklega er það önnur vél sem knýr lestir áfram því að lestin hélt áfram ferðinni. Eða hvað? Smám saman tók lestin að hægja á sér uns hún stoppaði. Það tók…
Flaug frá kaupmannahöfn til Amasterdam. Það er gott að fljúga með SAS. Það er traust flugfélag og hægt er að bóka áfallalausa ferð. Hægt er að halla sér aftur í sætinu og lesa Berlinske Tidende. Á blaðsíðu tvö var frétt með fyrirsögninni: "SAS-fly nødlander i Kastrup". Fékk gefins gömul hljómflutningstæki. Nauðsynlegt að geta hlustað á einhverja tónlist til að geta afmáð af heilanum barnalögin sem ég er búinn að vera að hlusta á alla síðustu viku. Fór á aðalbrautarstöðina til…
Tærnar upp í loft. Smá lærdómmur. Lag dagsins:"Hænurnar æptu gagaga, og vöktu þar með kisu, kisa sagði mjá mjá mjá og vakti með því gæsina, gæsin gaggaði gúgúgú …" Var látinn passa í kvöld. Það gekk bara vel. Enda kannski ekki mikið mál að passa sofandi barn.
Tærnar upp í loft. Smá lærdómur. Lag dagsins:"Við höfum blettað hanskana. Ó mamma mamma mamma mjá mjá mjá mjá…"
Tærnar upp í loft. Viggó Viðutan gerði allt vitlaust að vanda. Lag dagsins:"Það má ekki pissa bak við hurð. Og ekki kasta grjóti ofan í skurð…"
Tærnar upp í loft. Rattati gerðist lukkuhundur í varðstöð í Vilta Vestrinu. Lag dagsins: "Þú er bara að gabba okkur. Þú varst aldrei sjómaður. Í mesta lagi markmaður. Og hættu svo að ljúga. Segðu heldur eins og er. Þegar þú varst tekinn ber. Og amma gamla kasólétt og heyrði þessa frétt…"